माझ्या काही इतर चारोळ्या

*********************

चार ओळी मिळून

एक चारोळी बनते,

मनातलेच आपल्या सर्वकाही

तिच्यात सामावले असते.

- संतोषी साळस्कर.

**********************

मी आहे राजकुमारी

माझ्या स्वप्नातल्या जगाची,

जिथे चालते हुकुमशाही

नेहमीच माझ्या मनाची.

- संतोषी साळस्कर.

**********************

ठरवलंय मी ही आता

जशास तसे वागायचे,

कुणी वाकड्यात शिरलं की

सरळच त्याला करायचे.

- संतोषी साळस्कर.

****************************

काही माणसं अशीच असतात

आपुलकीचा आव आणतात,

समोर गोड बोलतात आणि

मागून पाठीत वार करतात.

- संतोषी साळस्कर.

***************************

कशाला वाचून राशीचक्र

उगाच भविष्य जाणायचं,

सोडून उद्याची चिंता

वर्तमानात मजेत जगायचं.

- संतोषी साळस्कर.

***********************

मीच आता माझं

पुढचं आयुष्य घडवणार,

कोणाच्याही सोबतीशिवाय

पुढे चालायला शिकणार.

- संतोषी साळस्कर.

*********************** 

आयुष्य झालंय गढूळ पाण्यासारखं 

मनाला थोडं स्थिर करायला हवं, 

भूतकाळाला शक्य तेवढं विसरून 

सुखद भविष्याकडे वळायला हवं. 

- संतोषी साळस्कर.